CEBU, Philippines – Giawhag ni Mandaue City Mayor Jonas Cortes ang tanang kawani sa City Hall sa paghatag og seryoso nga serbisyo ngadto sa katawhan.
Kini maoy unod sa mensahe sa mayor ngadto sa mga kawani atol sa unang flag ceremony sa Mandaue City Hall kagahapon.
Matud ni Cortes nga ang maayong serbisyo ug “transparency” kun walay gitagoan maoy duha sa unom ka birtud sa gipatuman nga Performance Governance System sa iyang administrasyon.
Dugang ni Cortes nga ubos sa PGS mas palambuon nila ang accountability ug transparency aron mawagtang gyud ang kurapsyon.
“Isip mga public servants, kinahanglan nga transparent kita sa atong mga transactions. I expect everyone to cooperate and be counted in the team,” matud pa ni Cortes. – /RUB) (BANAT NEWS)