CEBU, Philippines - Bisan og nagbangutan sa ila’ng higala nga namatay gumikan sa HIV-AIDS niadto’ng Disyembre 26, mapasalamaton gihapon sila nga hingpit na’ng napahiluna ang biktima kagahapon sa hapon sa usa sa mga sam-ang sa Dakbayan sa Sugbo.
Matud sa usa ka higala nga daku iya’ng pasalamat nga napahiluna na ang iya’ng amiga ug napahigayunan usab og Santos nga Misa sa usa ka pari. Siya nanghinaut sa mga tawo nga adunay gipamati sa ila’ng kalawasan gumikan sa paghimo og mga salikwaot nga binuhatan nga magpa-check-up dayun samtang sayo pa kaysa paabuton nga molamay ang gipamati.
Malaumon siya nga magmakanunayon ang tabang nga madawat sa mga biktima sa HIV-AIDS dili lang sa simbahan apan lakip na usab sa kagamhanan ug katawhan aron mawagtang ang stigma.
Ang biktima nga babaye ang ikaduha nga namatay sa HIV-AIDS karon tuiga. (BANAT NEWS)