Board di uyon nga butangan og barbed wires
Michael Vencynth Braga (Banat) - December 13, 2015 - 9:00am

CEBU, Philippines – Wa mouyon ang Mactan Cebu Bridge Management Board (MCBMB) sa sugyot nga butangan og barbed wires ang duha ka taytayan nga nagkonekta sa mga siyudad sa Mandaue ug Lapu-Lapu aron malikayan ang mga paghikog sa maong lugar.

Sa panagtagbo sa MCBMB niadtong miaging semana, gisugyot hinuon ni Lapu-Lapu City Mayor Paz Radaza nga patas-an lang o dugangan ang mga railings sa taytayan.

“I believe that the barbed wire does not add beauty to our bridge. But we can put up additional railings or heighten to avoid jumpers sa bridge,” matud niya. Kahinumdoman nga gihangyo sa Hunta Probinsyal sa Sugbo ang lokal nga pangagamhanan sa mga siyudad sa Mandaue ug Lapu-Lapu nga tun-an ang pagbutang og tag-as nga razor barbed nga mga koral sa Mactan Bridge.

Ang maong hangyo gipaagi sa usa ka resolusyon nga gimugna ni Bokal Arleigh Sitoy.

Sigon pa sa Hunta nga bisan pa man kun samok sa panan-aw ang maong koral apan makatabang kini nga mapugngan ang mga insidente sa paghikog sa maong dapit. Gikonsiderar hinuon sa MCBMB ang sugyot ni Radaza nga padugangan ang mga railings sa taytayan.

Matud ni Engineer Pericles Dakay, ang MCBMB vice-chairman, nga maayo ang maong proyekto ug ilang paninguhaon nga matuman kini sunod tuig. – /EIM) (BANAT NEWS)

ANG BOKAL ARLEIGH SITOY ENGINEER PERICLES DAKAY HUNTA PROBINSYAL LAPU-LAPU LAPU-LAPU CITY MAYOR PAZ RADAZA MACTAN BRIDGE MACTAN CEBU BRIDGE MANAGEMENT BOARD MANDAUE MGA NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with