^

Banat Balita

Nagbasol human madakpi

Jojo C. Ugdol ug Raymond Abarcas - Banat

CEBU, Philippines – Labihan ang pagmahay sa usa ka 45-anyos nga lalaking tighimo og sound system human siya nadakpan sa mga sakop sa City Intelligence Branch (CIB) sa Cebu City Police Office nga namaligya’g shabu.

Si Danilo Pateño, hingkod ang panuigon ug minyo, nadakpan atol sa buy-bust operation didto sa Sitio Baho Mahayahay, Barangay Calamba, dakbayan sa Sugbo kaniadtong Sabado sa hapon.

Matud ni Inspector Gomersendo Mandawe, deputy chief sa CIB, nga si Pateño usa ka level three drug pusher ug mga duha ka semana nila nga gipanid-an human sila nakadawat sa inpormasyon sa iyang ilegal nga negosyo.

Si Mandawe miingon nga duna’y sari-sari store ang suspetsado ug nagnegosyo pa kini sa paghimo og mga amplifier para sa stereo sa mga sakyanan ug uban pa nga klaseng sound system.

Apan gawas sa iyang negosyo, misulod kini sa pagpamaligya og shabu kay gusto kini nga dali nga makatigom og dakong kantidad.

Sumala pa ni Mandawe nga atol sa ilang pagronda sa panimalay ni Pateño ila pa’ng naaktohan ang dinakpan nga nagbahig og mga shabu.

Gitataw hinuon ni Mandawe nga igo lang sa pagpamaligya og shabu ang kalambigitan ni Pateño ug dili gani kini mosugot nga duna’y magsuyop og drugas sa iyang balay.

“Mura’g mangyawat unta ba kay aron makatigom og kuwarta nga pang-abang sa iyang gusto nga puwesto, unya kay nadakpan man siya, dimalas kaayo kay non-bailable ra ba ning kaso niya,” matud pa ni Mandawe.

Gamit ang P200 nga buy-bust money, gisikop sa mga sakop sa CIB si Pateño human kini nakatunol og usa ka pakete sa gituohang shabu.

Sa pagsiksik sa kapulisan sa balay sa suspetsado, ilang nakit-an ang lima ka dagkong putos sa gituohang shabu nga mokantidad og P295 mil.

Gipaslak na sa selda sa CCPO ang dinakpan nga gikatakdang pasakaan og tukmang kaso.

Samtang nadakpan usab sa mga polis sa Toledo ang tulo ka tawo sa gipahigayong buy-bust operation didto sa Barangay Poblacion, dakbayan sa Toledo niadtong Huwebes.

Ang mga gidakop mao sila si Nol Fevidal Samson alyas Buchoy, 30, ulitawo nga maoy subject sa buy-bust operation ug nakuhaan og lima ka pakete nga shabu.

Ang laing mga dinakpan mao sila si Allan Fano Mission ug Shanette Caballero nga nasakmitan usab sa ilang posisyon og mga drug sniffing paraphernalia. – /RUB) (BANAT NEWS)

ACIRC

ALLAN FANO MISSION

ANG

ATILDE

BARANGAY CALAMBA

BARANGAY POBLACION

CEBU CITY POLICE OFFICE

CITY INTELLIGENCE BRANCH

MANDAWE

MGA

NGA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with