CEBU, Philippines – Gipakatap ang 440 ka empleyado sa Cebu City Environmental Sanitation Enforcement Team ug mga Barangay Environmental Officers alang sa kalag-kalag.
Matud ni Grace Luardo, pangulo sa CESET, nga kining mga tawhana ang mobantay ug modakop niadto’ng magpataka og labay sa basura, panigarilyo, pangluwa ug pangihi sa bisan asa.
Hangtud alas 5 kagahapon sa hapon, 188 ang naisyuhan og citation tickets.
Giawhag ni Luardo ang mga tawo nga dili molapas sa City Ordinance 2241 batok sa pataka og panigarilyo ug aron dili makabayad og P1,500 samtang makamulta sab og P500 ang molapas sa pagpataka og labay sa basura. – /GMR) (BANAT NEWS)