CEBU, Philippines – Grabe’ng naangol ang usa ka tawo nga gidunggab sa silingan sa Bangbang, Cordova ug alas 8 pasado kagahapon sa buntag na nga nadiskubrehan.
Si Police Officer 3 Alex Noron sa Cordova Police Station niila sa biktima nga si Renato Denoso Jr., hingkod, taga barangay San Miguel sa mao’ng lungsod. Ang suspek mao si Ramil delos Santos Tapdasan, 23, nagpuyo usab sa mao’ng dapit.
Matud ni Noron nga gikan nag-inom ang suspek ug nahiagi sa nahimutangan ni Denoso kinsa kauban sa mga higala.
Sa paglabay sa biktima iya’ng gipangutana ang usa sa mga kauban kung unsa na’ng orasa.
Bisan kun dili mao ang gipangutana sa suspek mao’y nisagbat sa pagtubag ang biktima nga daw dala ang bugalbugal hinungdan nga nasuko ang suspek ug gidunggab upat ka higayun sa buko-buko. – /GMR) (BANAT NEWS)