CEBU, Philippines - Mopahigayun og offsite registration ang Commission on Elections sa usa ka mall sa barangay Sangi, siyudad sa Toledo karong adlawa.
Kini ang gibutyag ni Toledo City Election Officer, Atty. Michael Angelo Sarno.
Sa Gaisano Grand Mall ipahigayun ang offsite registration aron pag -atiman sa mga botante nga magparehistro ug magpa-update sa ila’ng biometric data.
Giawhag ni Sarno ang mga botante nga mohangop sa ila’ng offsite registration aron dili mapapas sa ila’ng system ang mga botante nga wala’y biometrics.
Nasayran nga dili momenos sa 10 mil ka botante sa Toledo ang wala pa’y biometric data. (BANAT NEWS)