Mga umaabot nga bag-ong pari
(Banat) - August 16, 2015 - 10:00am

CEBU, Philippines – Katorse ka Deacon sa Archdiocese of Cebu hingpit na nga ordinahan pagka pari ni Arsobispo Jose Palma karong Martes sa buntag anha sa Cebu Metropolitan Cathedral.

Sila mao si Rev. Ralph Romero Argoncillo, Rev. Villy Jean Pelegrin Cortes, Rev. Jose Romero De Dios III, Rev. Zenon Ares Guanzon, Rev. John Temothy Carabio Jadulco, Rev. Moenil Palo Lapa, Rev. Rogen Limotan Leyson, Rev. Rabi Nadera Mabala, Rev. Arthur Goneda Manalo.

Rev. Joseph Paul Cabrera Pugasan, Rev. Josephus Castro Remonde, Rev. Andrei Mikhail Segara Tabo-Tabo, Rev. Nissan Balolot Toring ug Rev. Fran Diaz Villegas.

Sagul-sagol ang gibati sa mao nga mga deyakono samtang nagpaabot sa adlaw nga sila ordinahan na sa pagka pari.

Sumala pa ni Rev. Guanzon nga kun wala ang kalooy ug grasya sa Dios gituohan niya nga wala’y ordinasyon nga mahitabo sa iyang kaugalingon, hinungdan nga iyang gipasalamatan ang mga tawo nga nahimong instrumento sa iyang pagka pari, ilabi na ang iyang namatay’ng inahan.

Matud ni Guanzon nga human siya maordinahan nga pari mopahigayon dayon siya og misa sa Carreta Cemetery sa lubnganan sa iyang inahan niana gilayon pagka hapon.

Si Guanzon nibutyag nga mopahigayon siya sa iyang cantamisa sa Sto. Rosario parish isip maoy iyang parokya nga siya gibunyagan ug iyang gidak-an nga nakat-onan ang mga pagtulon-an sa Dios.

Samtang si Rev. Villegas nibutyag nga samtang nagkaduol ang adlaw sa ordinasyon dili matukib ang iyang gibati nga kalipay.

"Ang inspirasyon nako pagsulod sa seminaryo mao ang pagsalmot sa paghatod sa imahen sa Birhen Maria sa kabalayan. Diha nga hamtong na ko, mas napalawman pa ang akong pagsanong sa tawag sa pagkapari mao ang Catholic Faith Defenders diha sa pagtuon sa Bibliya ug Pagtuong Katoliko."

Si Rev. Remonde miingon nga kulbahinam ang iyang gibati kay “its a brand new chapter sa akong kinabuhi, ang mga immersion nga akong naagian preparation sa akong pagkapari nakatabang aron ako makasabot nga dili sayon ang tahas nga akong sagubangon."

Ang mga deacon adunay mga nakatakda nga mga Cantamisa nga ipahigayon karong buwana sa nagkadaiya nga parokya sa Sugbo. – /RUB) (BANAT NEWS)

ANDREI MIKHAIL SEGARA TABO-TABO ANG ARCHDIOCESE OF CEBU ARSOBISPO JOSE PALMA ARTHUR GONEDA MANALO BIRHEN MARIA CARRETA CEMETERY CATHOLIC FAITH DEFENDERS IYANG NGA REV
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with