CEBU, Philippines – Gitapos sa 34-anyos nga lalaki ang iya’ng kinabuhi sulod sa ila’ng balay sa Deca Homes Subdivision, Subabasbas, dakbayan sa Lapu-Lapu sa niagi’ng Lunes sa gabii.
Matud ni PO3 Luisito Ernie, imbestigador sa Lapu-Lapu City Police Office- Homicide Section nga ang silingan ang nakamatikod nga nagbitay na ang lawas ni Richard Lavador sa kilid sa hagdanan sulod sa balay alas 11:45 sa gabii.
Base sa imbestigasyon nga gikan naglalis si Lavador sa iya’ng kapuyo nga si Carmen Caputulan niadto’ng gabhiona.
Human sa panaglalis, nakadesider si Lavador nga matulog sa una’ng andana sa balay.
Gikataho nga adunay giselosan si Lavador hinungdan nga nisangko sa panaglalis. – /GMR) (BANAT NEWS)