CEBU, Philippines - Loader sa basura sa Brgy. Kalubihan, Cebu City nasakpang tiggamitan og ilegal nga drugas atol sa surprise drug test nga gihimo sa Cebu City Office on Substance Abuse Prevention (COSAP) nga gipangulohan ni Dr. Alice Utlang.
Matud pa ni Utlang, 52 ka mga opisyal ug trabahante sa maong barangay ang gipaubos sa drug test. Usa ka loader ang positibo sa drugas samtang dunay usa ka kawani ang wala motambong.
Sumala pa ni Utlang, 575 na ka barangay officials ug kawani sa barangay ang napaubos sa drug test ug walo niini ang positibo sa drugas.
Bugtong ang Brgy. Pamutan lamang ang nagpabiling drug free workplace sa siyudad. (BANAT NEWS)