CEBU, Philippines – Sa ikatulo’ng higayun nasikop sa kapolisan ang hacker nga kanhi scholar sa usa ka unibersidad sa Sugbo human sa entrapment operation sa barangay Mambaling niadto’ng nakalabay nga hapon.
Giila ang suspek nga si Jerwin Minglanilla, 26, taga barangay Inayawan, kinsa nasikop sa mga sakop sa Criminal Investigation and Detection Group-7 nga gipangulohan sa deputy chief, Supt. Fermin Armendarez III.
Nakabutang og piyansa ang suspek sa una’ng pagkasikop apan sa ikatulo’ng higayun posible nga dili na makapiyansya human nakuhaan og usa ka medium-sized nga gituohang drugas sulod sa U-box sa iya’ng motorsiklo atol sa transaksiyon sa kapolisan.
Ang Globe Telecom ang nagpakitabang sa CIDG-7 human namatikdi ang kadudahan nga transaksiyon gikan ni Minglanilla.
Si Minglanilla naghupot og mga mahalon nga mga cellphones gikan sa mao’ng kompanya gamit ang lainlain nga credit cards.
Atol sa entrapment operation, ang asset nagpatuo nga magpatabang sa suspek aron makapalit og mga butang gamit ang credit card.
Gitug-an sa kapolisan nga gawas sa pag-hack sa credit cards, si Minglanilla pwede’ng maka-hack og mga debit cards.
Si Minglanilla kasamtangan karon nga gitanggong sa CIDG-7 detention cell ug gikatakda’ng pasakaan og tukma’ng kaso. – /GMR) (BANAT NEWS)