CEBU, Philippines - Nagpakitabang sa kapolisan ang usa ka Korean human nahanaw ang P60,000 sulod sa iyang gipuy-an sa F & M Arcade, Highway 77, Talamban, dakbayan sa Sugbo niadto’ng nakalabay nga buntag.
Ang biktima nga si Lee Kyung Mi, 47, kauban sa iyang katabang ang nakadiskubre nga nahanaw na ang kuwarta nga ilang gibutang sa tissue box.
Samtang usa sab ka balay ang gikawatan sa mga mahalong butang sa Murello Subdivision, barangay Quiot niadto’ng nakalabay nga buntag.
Nitaho sa Punta Princesa Police Station ang usa ka Jemus Dosdos, 36, human siya naalarma nga abli na ang gate sa iyang balay.
Nakuha sa kawatan ang Asus Netbook kantidad og P15,000 ug usa ka relo kantidad og P30,000. (BANAT NEWS)