CEBU, Philippines - Nagtinguha si Mayor John Henry Osmeña nga matukod ang Local Economic and Investment Promotion Office sa dakbayan.
Gihangyo ni Osmeña ang mga konsehal sa siyudad sa pagpasar og ordinansa ug resolusyon sa pagmugna sa maong buhatan.
Tumong sa mayor nga mapalambo ang siyudad pinaagi sa pag-agni sa mga negosyante pagbubo og puhunan ingon man adunay maka-monitor.
Buot ni Osmeña nga adunay city economic and investment promotion officer nga maoy maglantaw sa patigayun sa siyudad aron mas molambo ug daghang oportunidad sa trabaho.
May mga nadugang na nga establesemento nga natukod sa siyudad ug gilauman nga mas modaghan pa kung matukod ang maong buhatan. (BANAT NEWS)