CEBU, Philippines - Nasakpan ang usa ka babaye nga nangawat sa halin sa usa ka tindahan sa barangay Poblacion, dakbayan sa Toledo.
Giila ang dinakpan nga si Grace Mahilum, 38, taga barangay Poblacion. Sila si Christopher Sanoria, 24, ug Elvin Sanoria, 19, nga taga barangay Talavera ang tag-iya sa tindahan nga gikawatan. Nipalit sa tindahan ang suspek diha’ng diriyot nga nalipat ang managsuon, dali’ng gikuot sa suspek ang drawer diin nahimutang ang kwarta nga halin sa tindahan apan nabantayan sa managsuon.
Nabawi gikan sa suspek ang P300 nga halin sa tindahan samtang gikustodiya na sa kapolisan sa Toledo ang suspek. (BANAT NEWS)