CEBU, Philippines - Patay ang 26-anyos nga lalaki human pusila sa mata ug tangkugo sa Sitio Tubod, Barangay Obong, lungsod sa Dalaguete niadtong nakalabay nga adlaw.
Ang biktima naila nga si Alberto Cano, ulitawo, taga barangay Pugalo sa maong lungsod.
Sigun pa ni PO2 Reynaldo Vidas, desk officer sa Dalaguete Police, nga hangtud karon nagpadayun pa sila sa ilang imbestigasyon aron pagtumbok sa motibo sa hitabo.
Sunod-sunod nga buto sa armas ang nadungog sa mga residente sa maong lugar apan wala lang kini nila gipanumbaling.
Pipila ka oras ang milabay usa sa mga residente sa lugar ang nakabantay na lang nga nagbuy-od na si Cano sa yuta ug wala na’y kinabuhi ug may pinusilan sa wala nga mata ug sa tangkugo. ( (BANAT NEWS)