CEBU, Philippines - Kapin sa P80 mil ang nakuha sa mga kawatan nga milungkab sa balay sa usa ka polis sulod sa usa ka village sa Barangay Cogon sa dakbayan sa Bogo sa miaging hapon.
Ang biktima naila nga si Police Officer 1 Abel Nasatay, 35, nga nadestino sa Bogo City Police Station.
Base sa imbestigasyon nga ang mga kawatan misulod sa balay ni PO1 Nasatay pinaagi sa pagguba sa birha sa bintana ug gitangtang ang upat ka jalousie blades.
Nakuha sa mga kawatan ang Play Station, duha ka digital cameras, usa ka lapel microphone, tulo ka cellphone, relo, Swiss Knife ug cash nga P28 mil.
Pasado alas 4:00 na sa hapon niadtong Biyernes nabantayan sa polis nga gilungkab na diay ang iyang balay. (BANAT NEWS)