CEBU, Philippines – Taas-taas ang bakasyon nga mapahimuslan sa mga opisyal ug kawani sa korte human ningmando ang Supreme Court nga Enero 5 na sila mobalik sa trabaho.
Ang SC nideklarar nga half-day ang tanang transaksiyon sa korte ug sa mga opisina nga ubos sa hudikatura karong adlawa.
Holiday ang Disyembre 24 hangtud 26 samtang natumong sa Sabado ug Domingo ang Disyembre 27 ug 28.
Ang Disyembre 29 gideklarar usab sa SC nga special non-working holiday ingon man ang Enero 2, 2015
Holiday ang Disyembre 30 hangtud Enero 1 samtang Sabado ug Domingo ang Enero 3 ug 4.
Matud ni Atty. Jeoffrey S. Joaquino, clerk of court sa Regional Trial Court sa dakbayan sa Sugbo, nga wala sila kadawat sa hard copy sa Circular nga ang Disyembre 29 ug Enero 2 isip special non-working holiday apan mobalik sila sa trabaho unya na sa Enero 5, 2015. – /GMR) (BANAT NEWS)