CEBU, Philippines - Giuswag karong Disyembre 19 ang wala nadayun nga overseas ug local job fairs sa dakbayan sa Mandaue niadtong Disyembre 7 tungod sa bagyong Ruby.
Ang job fair ipahigayon sa Insular Square Mall sa North Road, Tabok, sa maong dakbayan.
Matud ni Mosuline Soliva, pangulo sa Public Employment Service Office (PESO) sa maong dakbayan, nga mao gihapon nga mga recruitment agency ang mosalmot sa job fair.
Gipasabot ni Soliva nga mahinungdanon kaayo nga makaparehistro sa ilang buhatan ang buot mo-apply og trabaho aron magiyahan sa mga dokumento nga gikinahanglan. Mahatagan usab og giya kung unsaon pagtubag ang interbyu. (BANAT NEWS)