CEBU, Philippines - Andam na unta ang lungsod sa Dalaguete isip co-host sa lungsod sa Argao sa Provincial Sports and Cultural Festival nga naila nga provincial meet nga unang gikatakda karong Biyernes.
Matud ni Mayor Ronald Allan Cesante nga wala siya’y supak sa pag-uswag sa provincial meet.
Si Cesante nanghinaut nga ang bagyong Ruby dili unta makasulod sa nasud. Usa sa hagit nga giatubang sa lungsod mao ang supply sa tubig ug ang kapuy-an sa mga atleta.
Kini human ang ilang water system naguba sa bagyong Queenie.
Gipasabot ni Cesante nga bisan unsa pa nga pangandam kung katalagman na ang moigo dili mahibaw-an ang kadaut nga mahitabo.
Samtang si Daanbantayan Mayor Augusto Corro nangandam usab sa pagsulod sa bagyong Ruby.
Si Corro nitambong sa special meeting nga gipahigayun sa Kapitolyo kagahapon alang sa pagpangandam sa bagyo. Gikataho nga ang giagian sa bagyong Yolanda mao usab ang agian sa bagyong Ruby diin usa ang lungsod sa Daanbantayan. (BANAT NEWS)