CEBU, Philippines – Kasong pagpanglugos ang gipasaka batok sa 34-anyos nga lalaki kinsa gipasanginlang nilugos sa 7-anyos nga bata sa niaging buwan.
Ang akusado silingan ra sa biktima sa barangay Labangon, dakbayan sa Sugbo.
Wala’y piyansa nga girekomendar ang piskaliya ngadto sa akusado kinsa wala moduso og counter-affidavit. Ang biktima miasoy nga alas 12 sa udto niadtong Oktubre 24 samtang nagduwa siya kauban sa iyang amiga, kalit siya’ng gikugos sa akusado ug gidala sa iyang balay ug didto giingong gilugos.
Matud sa biktima nga giingnan siya sa akusado nga dili pasabaon basin madunggan sila.
Human pahimusli sa akusado gitagaan siya og P15.
Gisumbong sa biktima ang nahitabo ngadto sa iyang lola kinsa mao na ang nikuyog ngadto sa tambalanan nunot sa kasakit sa iyang pagpangihi ug may dugo. – /GMR) (BANAT NEWS)