CEBU, Philippines - Gipahimangnoan sa PAGASA ang publiko nga magdala og payong ug bisan unsang pandong sa pagduaw sa mga sam-ang tungod sa posibleng pag-uwan ug init sugod karong adlawa.
Nasigpatan sa PAGASA-Mactan ang usa ka low pressure area nga anaa sa 1,430 kilometros sa Catarman, Samar.
Hinuon sigon ni PAGASA-Mactan Weather Specialist Mae Macasilagan nga dili mo-landfall ug adto mo-rumbo ang LPA sa Japan. Maayong panahon ang masinati karong adlawa hangtud Domingo apan posibleng adunay mga ginagmay lang nga pag-uwan. (Decemay P. Padilla/GMR)(BANAT NEWS)