CEBU, Philippines - Patay ang usa ka lalaki nga miduaw sa kanhi kapuyo dihang kini gidunggab sa bag-ong kapuyo niini atubangan mismo sa ilang 5- anyos nga anak nga lalaki diha sa Sitio Milagrosa, Barangay San Vicente, Lungsod sa Liloan.
Si Senior Police Officer 1 Bryan Batiquen sa Consolacion Police Station miila sa biktima nga mao si Richard Cape, 26 , taga Barangay Lahug, Dakbayan sa Sugbo,
Ang suspetsado mao si Jovel Bolo, alyas Ovel nga bag-ong kapuyo sa kanhi kapuyo sa biktima nga maoy inahan sa 5- anyos nga gibuhi sa biktima. Matud pa ni Batiquen nga gimingaw sa inahan ang bata hinungdan nga gidala kini sa biktima ngadto sa inahan. Sa una, walay tensyon nga nahitabo ug nag-inom pa ang duha. Apan dihang nangahubog na nagkabingkil ang duha hangtud nga nadunggaban si Cape.
Gidala sa suspek ang kapuyo lakip na ang 5-anyos nga bata. (BANAT NEWS)