CEBU, Philippines - Lalaking giingong nanghagis napalgang patay ug naputos og samad tinigbasan sa kalawasan niadtong Miyerkules sa buntag diha sa Kabalas-anan, Dumanjug.
Si Junrey Dinglasa ang katapusang nakita nga buhi hapon sa adlaw nga Martes ug giingong hubog ug nanghagis sa ilang lugar.
Matud pa ni PO1 Dave John Faunillan sa Dumanjug Police nga nahinabi sa Banat News nga milakaw si Dinglasa ug wala na mouli pagkagabii, apan nianang pagkabuntag nakit-an kining nagbuy-od na daplin sa dalan ug naligo sa iyang kaugalingon nga dugo.
Lima ka mga tinigbasan ang nakita sa kapulisan nga naangkon sa biktima, duha sa iyang sampot, duha sa likod ug usa sa abaga. Padayon pa ang kapolisan pag-imbestigar sa maong kaso. (BANAT NEWS)