CEBU, Philippines – Daling gidala sa tambalanan ang usa ka lalaki human pusila sa iyang manghud gahapon sa buntag sa Mangyan, lungsod sa Sibonga.
Ang biktima naila nga si Dennis Cerenio, 32-anyos, kinsa gidala sa South General Hospital sa dakbayan sa Naga human nakaangkon og duha ka samad pinusilan sa iyang walang paa.
Ang manghud nga namusil mao si Archie, 27-anyos.
Ang imbestigador sa Sibonga Police Station, PO2 Ederlino Bacusmo, miingon nga samtang nanghipos ang biktima sa sound system nga gigamit sa disco sa miaging gabii kalit nga niabot si Archie ug dayon punting sa pistola ngadto sa maguwang.
Sa inisyal nga imbestigasyon nasuta nga dugay na nga may bikil ang magsuon. -/GMR) (BANAT NEWS)