CEBU, Philippines – “Diri sa Kalubihan Sir grabe kaayo ang hantak dugay na kaayo wala gyud mabadlong sa konsehal namo diri nga duol ra man unta ang iyang balay aning hantakanan luoy kaayo ang mga asawa wala nay i-remit ang mga bana.”
Brgy Patao, Bantayan, Cebu
“Sir Jun naay cash for work program diri sa amoa kay ang nagdala ani naa may gipili nga patrabahoon nga unta para ra unta ni sa mga nag-abang og balay ug sa mga nagluon pero giapil man ang single basta iya gusto.”
Brgy Basak, Badian, Cebu
“Amo lang klaruhon Sir nga kanang gireklamo nga guba nga karsada dili na municipal road kay national road na pero kaagian man ang karsada dili lang sementado, naa na hinuoy planong trabahoon na sa DPWH nga karsadaha.”
Brgy Calajoan, Minglanilla, Cebu
“Pagkadaghan sa manuyopay og shabu diri sa among lugar sagol ra mabatan-on o matiguwang adik na kaayo, naay balay diri nga gihimong suyopanan sugod na sa taas nga panahon.”
Brgy Lahug, Cebu City
“Naay usa ka sitio diri sir Jun nga kusog kaayo ang swertres diri maski mga bata maoy sugoon pagpatad unya naa sad diri ilegal nga drugas kuyawan mi Sir nga maangin labi na kun wala mi sa balay kay tingali’g kawatan mi.”
Brgy Awayan, Carcar City
“Sir Jun naa mi silingan diri sa Upper Awayan unahan sa may Petron namaligya’g shabu security guard ni siya hinaut nga matabangan mi nimo nga masumpo ni diri kay daghan na gyud ang nahimong adik diri.”
Brgy Danlag, Consolacion, Cebu
“Concern lang ko aning karsada diri Sir kay sige man gabasa bisa’g way uwan wala man gyu’y nag- atiman ani nga taga barangay hasta mga opisyal sa lungsod wala gyud mohimo aksyon aron masulbad ning problemaha.”
Brgy Cubacub, Mandaue City
“Unsa man ning mga opisyales namo diri sa barangay wala man gyu’y aksyon aning mga container vans diri sa eskina Relis kay gihimo na man nilang parkinganan kuyaw pa sad gyud sa disgrasya.”
Brgy Valencia, Carcar City
“Naay poultry farm diri Sir nga nakahatag namo’g problema sa mga nagpuyo sa duol kay baho kaayo wala man gyu’y butanganang klaro sa iti maong inig huros sa hangin adto sa mga tawo nga nagpuyo sa duol maoy makahanggap sa baho.”
Brgy Tabla, Liloan, Cebu
“Naproblema mi diri sa among lugar sir Jun kay grabe kaguba sa karsada nipasalig ang mga opisyal nga ilang ipaayo pero usa ka tuig na lang wala pa man gihapon trabahoa, asa na man diay ilang gipasalig?”
Brgy Baring, Carmen, Cebu
“Batan-on ko Sir pero supak ko aning paggamit og shabu ug marijuana kay daghan na kaayo drug pusher diri sa among lugar unya daghan sad mangari diri nga taga laing barrio nga moari lang aron manuyop maayo unta’g madakpan ning mga namaligya Sir kay makaguba ni sa among kaugmaon nga mga batan-on.”
Brgy Marigondon, Lapu-Lapu City
“Sir salamat kaayo nga imong gihatagan og pagtagad among reklamo diri sa Tonggo, palihog pud mi’g tagad pud unya sa mga suga sa poste nga wala magsiga.”
* * *
Alang sa inyong nga reklamo text lang sa 09071678643