CEBU, Philippines - Duha ka langyaw nabiktima sa mga badlongon dinhi sa dakbayan sa Sugbo. Si Miho Harada, 28, usa ka Hapon, nakuhaan sa iyang P533 mil, tulo ka gold bracelet nga kantidad og P240 mil.
Giilad siya sa babaye’g lalaki nga nahigala niya sa mall ug midala kaniya sa usa ka balay sa Barangay Quiot. Nagduwa sila’g baraha ug giilad, napilde ang iyang kuwarta ug alahas.
Si Anna Katharina Reiter, usa ka Austrian national ug call center agent, mireport sa kapolisan nga siya gilabnihan sa duha ka nagsakay’g motor ug nakuha ang iyang bag nga may sulod nga P40 mil ug kwentas. Ang mga polis wala pa makarekober sa bag nga iya sa biktima. (BANAT NEWS)