CEBU, Philippines - Kritikal ang kahimtang sa usa ka lalaki human gipusil sa wala mailhing gunman nga yano ra kaayong misulod sa iyang panimalay sa barangay Poblacion Pardo, dakbayan sa Sugbo sa niaging gabii.
Gibutyag ni SPO4 Rey Cuyos, imbestigador sa homicide section sa Cebu City Police Office (CCPO), nga samtang naglingkod sulod sa lawak ang biktima nga si Lee Reserba Abellana, 41, usa ka wala mailhing lalaki ang kalit lang misulod ug mipusil sa biktima tumong sa ulo.
Human sa pagpamusil yano ra usab nga migawas ang gun man sa balay sa biktima nga daw sa wala’y nahitabo. Daling gidala sa Chong Hua Hospital ang biktima nga padayon pa nga giatiman ug gi-obserbaran sa mga doctor.
Pabiling blangko ang kapolisan sa motibo ug kinsa ang mihimo sa pagpamusil, samtang nagpadayon pa ang ilang gihimong imbestigasyon. (/GMR)(BANAT NEWS)