CEBU, Philippines - Patay ang usa ka mag-uuma human kini giatangan ug gipusil sa makadaghan nga higayon, pasado alas-7 sa gabii diha sa Barangay Langin, Ronda niadtong nakalabay nga adlaw. Ang biktima naila nga si Aurellio Dolocanog, 50, minyo ug nagpuyo ra sab sa maong lugar. Matud pa ni PO1 Joavei Tomarse sa Ronda Police Station nga nahinabi sa Banat News nga gikan mitambong og birthday party ang biktima apan sa pag-uli na niini giatangan kini ug gipusil. Atol ning pagbalita wa pa matino ang motibo sa maong krimen ug si kinsa ang mamumuno niini. (BANAT NEWS)