CEBU, Philippines - Gipahibawo sa Regional Epidemiology Surveillance Unit (RESU-7) nga aduna nay motorized chlorinator ang lungsod sa Borbon nga ning bag-ohay lang naigo sa typhoid fever outbreak sa miaging semana.
Matud sa pangulo sa RESU-7 Dr. Rennan Cimafranca gibutangan na og motorized chlorinator ang water system sa maong lungsod apan kinahanglan susihon pa ang residual chlorine nga nahatud sa water system.
Wa usab irekomendar sa RESU-7 ang pagpahunong sa paggamit sa tinubdan sa tubig sa barangay Kahil, Claver ug Logo tungod kay mas mosamot ang problema.
Matud niya korehian lang ang problema pinaagi sa pagmentinar sa residual chlorine, ug pagbutang og barrier sa water system sa mga barangay aron di motapon ang kontaminasyon sa tubig.
Nabantayan usab nga mikunhod na ang kaso sa tipos sa lungsod itandi sa milabay’ng semana.
Giawhag ‘sab sa RESU-7 ang Barangay Health Workers aron awhagon kadtong mga tawo nga wala pa nagpakonsulta nga dunay tipos. Tun-an usab ang pagpahigayon og mass treatment. (BANAT NEWS)