CEBU, Philippines - Usa ka gipasanginlang drug queen ang nasikop sa buy-bust operation sa City-Anti Illegal Drugs Special Operation Task Group (CAIDSOTG) sa Barangay Tisa, Cebu City.
Ang dinakpan giila nga si Fredalyn Alferez Mapalo, 45, nagpuyo ra ‘sab sa maong lugar ug giila nga level 2 drug pusher.
Si Senior Inspector Eunil Avergonzado ang hepe sa CAIDSOTG mibutyag nga duha ka semana na nila nga gi-surveillance si Mapalo tungod sa report nga namaligya kini og shabu.
Nakuha sa kapulisan ang 163 ka mga pakete nga gituohang shabu, P2,600 nga gituohang halin niini ug P200 nga marked money.
Si Kapitan Philip Zafra kinsa maoy ABC President sa siyudad mihangop sa pagkasikop ni Mapalo nga gihulagway niya usa ka labad sa iyang barangay.
Samtang sa lungsod sa Badian, nasikop ‘sab sa Philippine Drug Enforcement Agency- 7 ang usa ka Armando Batomalaque diha sa Barangay Matutinao, Badian
Nakuha gikan niya ang usa ka gamay nga pakete ug duha ka dagku nga putos sa gituohang shabu. (/EIM)(BANAT NEWS)