CEBU, Philippines - Gipaubos sa autopsy ang patay’ng lawas sa mananagat nga napalgan sa tunga-tungang bahin sa Mactan Channel sa niaging adlaw.
Ang Scene of the Crime Operatives (SOCO) maoy nagsusi sa patay’ng lawas ni Rogelio Demapi, 48, taga Calubihan, Umapad, dakbayan sa Mandaue.
Si PO3 Juanito Bulahan sa Presinto 5 sa Mandaue City Police Office (MCPO) miingon nga napalgan sa mga sakop sa pamilya ang giluwanan nga sakayan ni Demapi nga nag-utaw-utaw sa dagat nga walay tawo nga nagsakay.
Gipangita sa mga sakop sa pamilya apan gabii na wala gyud nila igkita ug wala usab kini mopauli sa ilang panimalay hinungdan nga midangop sila sa kapolisan ug nagpatabang sa mga tanod hangtud ilang nakaplagan ang patay’ng lawas niini nga naglutaw na sa dagat. (BANAT NEWS)