CEBU, Philippines - Gikabalak-an nga mohugpa ang dangan sa kaumahan niining panahon sa ting-init.
Ang kasamtangang Provincial Agriculturist, Roldan Saragena, mitataw nga dunay scientific basis ang pagdaghan sa dangan apan iyang giklaro nga wala pa’y kaso niini sa pagkakaron.
Matud ni Saragena nga sukad sa iyang paglingkod sa Kapitolyo, duha pa lang ka beses nahitabo ang pest resurgence sa San Remigio diin mihugpa ang dulon kon locust.
Ang dangan mao ang insekto nga makadaut ug makapatay sa tanum kung mahimong endemic diin magkinahanglan na og kemikal sa pagpatay.
Naglaum si Saragena nga wala’y angay kabalak-an ang mga mag-uuma sanglit duol na ang buwan sa Hunyo kanus-an aduna na’y ginagmay nga pag-ulan. (BANAT NEWS)