CEBU, Philippines - Pabiling ibutang sa heightened alert status ang Central Visayas bisan nahuman na ang Labor Day nunot sa pagbisita ni Presidente Benigno Simeon Aquino III sa Bohol karong adlawa. Sumala pa ni Sr. Supt. Erson Digal nga sa wala pa ang Labor Day daan nang giisa sa Police Regional Office 7 ang alert status niini.
Si Aquino gikatahong mosusi sa mga proyekto sa gobiyerno sa pagtabang og pagpabarog sa maong lugar human maigo sa 7.2 magnitude nga linog ug bagyo sa miaging tuig.
Gipaabot nga maabot sa Bohol ang presidente alas 11: 00 sa buntag karong adlawa ug sugaton kini sa mga local nga opisyal pinangulohan ni Bohol Governor Edgar Chato ingon man nila ni PRO-7 Regional Director Chief. Supt. Danilo Constantino ug Maj. Gen. John Bonafos sa Central Command.
Gipaabot nga libkason ni Constantino ang maong alert status sa adlaw nga Lunes. (BANAT NEWS)