Mga drayber nagbagotbot
(Banat) - May 1, 2014 - 12:00am

CEBU, Philippines - Nabaraw ang kalipay sa mga drayber nga nagtoo nga sulbad na ang ilang problema sa kahuot sa sakyanan tungod sa hapit na mahuman nga pagpalapad sa karsada gikan sa Barangay Mactan ngadto sa Maribago. Gibutyag ni Lapu-Lapu City Engineer Alan Pedrigal nga ang masi’g ka kilid na lang sa karsada ang gitiwas sa pagsemento.

Apan aduna hinuo’y problema nga mitumaw kay adunay pipila ka bahin sa karsada nga ang mga tag-iya sa yuta wala pa diay kabayri sa kantidad sa ilang kabtangan. Nagbagolbol ang mga drayber diha’ng nakit-an nila nga sugod kaniadto’ng Lunes gisugdan na usab sa Department of Public Works and Highways (DPWH) ang pagsemento sa karsada gikan sa Barangay Basak ngadto sa Marigondon.

Gihulagway nila nga mas makasinati og grabe’ng problema sa trapiko ang mga drayber nga moagi sa karsada sa Basak paingon sa Marigondon kay gamay kini kun itandi sa karsada sa Mactan paingon sa Maribago. Gituohan nga mosamot kahuot ang dagan sa trapiko sa maong dapit, ilabi na ang dapit sa Gaisano Grand Mall ngadto na sa Aviation Road sa Barangay Basak. Pagka karon hinoon nga wala pa’y klase dili pa kaayo grabe ang problema sa trapiko mao nga giawhag sa DPWH ang mga kontraktor nga paspasan nila pagtrabaho ang ilang proyekto aron dili makamugna og kahasol sa mga motorista. (Bong Soriano/RUB)

Unya sa Mayo 8 saulogon na sab sa dakbayan sa Mandaue ang kapistahan ni St. Joseph. Gani nagsugod na ang nobenaryo sa national shrine of Saint Joseph nga gitambungan sa nagkadaiyang mga parokyano. Dungan sa nobenaryo duna say nightly activities nga himuon sa atubangan nga bahin sa Mandaue City Hall nga gipasiugdahan sa nagkadaiyang ahensya sa gobiyerno ug pribadong grupo sa siyudad. Gani karong gabii mao ang DepEd night nga gipasiugdahan sa grupo sa mga magtutudlo sa siyudad pinangulohan ni Mr. Edgar Espina kinsa maoy presidente sa Teachers Association ug ni Dr. Virginia Zapanta ang schools division superintendent. Gani giawhag ni Espina ang Mandauehanon sa pagsaksi unyang gabii kay dunay presentasyon ang mga magtutudlo sa nagkadaiyang tunghaan sa siyudad. Ang nakanindot ani kay ang presentasyon sama sa sayaw magpresentar ug maghulagway sa kasaysayan sa matag barangay. Dinhi mahibaw-an kun unsay history sa matag barangay sa Mandaue ug kun nganong ingon niini ang ngalan sa ilang barangay. Malingaw ka pa, makahibawo pa gyud ka sa history sa kabarangayan sa Mandaue. (BANAT NEWS)

AVIATION ROAD BARANGAY BASAK BARANGAY MACTAN BONG SORIANO DEPARTMENT OF PUBLIC WORKS AND HIGHWAYS DR. VIRGINIA ZAPANTA GANI MANDAUE
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with