CEBU, Philippines - Gironda sa mga sakop sa National Bureau of Investigation (NBI)-7 ang opisina sa usa ka Bonding Company dinhi sa dakbayan sa Sugbo nga giisip nga ilegal kay migamit og ngalan sa lehitimo nga kompaniya didto sa Manila nga walay pananghid. Ang mga sakop sa NBI armado og search warrant nga giisyu sa Regional Trial Court (RTC) didto sa dakbayan sa Mandaluyong tungod sa giingon nga peke nga opisina nga tigpyansa og mga akusado.
Si NBI-7 Regional Director Max Salvador miingon nga ang Philippine Fire and Marine Insurance Corporation nga nagbase sa Manila maoy mipasaka og reklamo didto sa NBI Central Office.
Ang reklamo naglambigit sa giingon nga ilegal nga kalihukan nila ni Anthony Espinosa ug Larry Steve Dagal nga migamit sa ngalan sa Philippine Fire and Marine Insurance Corporation nga wala mananghid. Pag-adto hinoon sa mga ahente sa NBI sa opisina sa peke nga insurance company sa silong nga bahin sa Francesa Dawn Bldg. sa dalan Orchids, Capitol Site, sirado ang opisina. Nagtoo sila si Salvador nga nakabantay na’ng daan sila si Espinosa ug Dagal.
“Maybe alam na nila kasi sa ibang lugar mayron ng na arrested,†matud sa direktor sa NBI. Nakuha sa NBI mao ang mga computer sets, makinilya ug mga dukomento sama sa surety bond. Matud ni Salvador nga pasakaan nila og kaso nga falsification of public documents sila si Espinosa ug Dagal. (BANAT NEWS)