CEBU, Philippines - Usa ka caretaker sa fishpond sa barangay Antipolo, Tuburan, ang napalgang patay kagahapon pasado alas 6:30 sa buntag.
Ang biktima giila nga si Felix Abrenica Rado, 19, lumad taga barangay Japitan, Escalante City, Negros Occidental ug caretaker sa fishpond nga gipanag-iya ni Vicente Cabajug.
Si Rado gipatay sa wa maihing tawo ug napalgan ni Ely Villarin sulod sa barracks nga nahimutang sa ilang gitrabahoan ug dunay samad pinusilan sa wala nga bahin sa dughan.
Sa inisyal nga imbestigasyon, matud ni PO1 Kim Surgahid, desk officer sa Tuburan Police Station sa pakighinabi sa Banat News nga posibleng dunay kaaway ang biktima.
Padayun pa karon ang imbestigasyon kung unsay motibo sa pagpatay kang Rado. (BANAT NEWS)