CEBU, Philippines - Nasikop ang duha ka lalaki nga nasakpan sa akto sa bouncer sa usa ka club sa Mango Avenue nga nag-oral sex sulod sa ladies room pasado alas 4:00 kagahapon sa kaadlawon.
Ang nasikop nag-edad pa og 18-anyos, lumad nga taga Ormoc City, ug kasamtangang nagpuyo sa dakbayan sa Talisay ug usa ka 21-anyos nga taga Mohon, Talisay City.
Ang nakasakop kanila mao si Marlou Yator, 35, bouncer sa bar kinsa daling midala kanila sa Fuente Police Station.
Base sa blotter sa Fuente Police, dunay usa ka babaye nga customer sa maong bar ang mitug-an kang Yator nga dunay duha ka lalaki nga nanulod sa kasilyas sa mga babaye.
Si Yator pagkasayod sa sumbong sa maong kustomer daling misusi sa kasilyas sa mga babaye ug dihang iyang giablihan nasakpan niini ang duha, ang usa kanila nag -oral sex sa usa.
Tungod niini gidala ang duha sa Fuente Police Station ug gitanggong ug didto pwerteng pangayo og pasaylo sa duha ngadto sa tag-iya sa bar.
Ang tag-iya nga naluoy sa duha mipasaylo kanila uban sa pasidaan nga di na kini nila usbon ug pagkahuman wa na sila pasakai pa og kaso ug gipabuhian. (BANAT NEWS)