CEBU, Philippines - Mokabat na og 23 ka mga polis sa Cebu City Police Office ang nag-awol sukad niadtong miaging tuig matud pa sa usa ka opisyal sa Investigation and Detective Management Branch.
Si Insp. Arieza Velasco Otida, sa IDMB miingon nga wala na mopakita ang 23 ka mga polis sa ilang mga tagsa-tagsa ka assignments sukad sa miaging tuig. Usa na niini ang polis nga nalambigit sa usa ka “shooting incident†sa V. Rama niadtong Sabado sa hapon nga si PO3 Roy Tolentino nga kanhi nadestino sa Mobile Patrol Group. Matud ni Otida nga “moot and academic†na ang shooting incident kagahapon kung administrative aspect na ang hisgutan. Matud ni Otida nga serious neglect of duty ang kaso ni Tolentino tungod kay wala gyud kini mopakita na sa MPG.
Gani miingon si Otida nga duha na ka hepe sa MPG ang iyang gipatawag apan nagmakuli gihapon si Tolentino sa pagtubag sa iyang reklamo.
Si Otida miingon nga si PO3 Bryan Pastor nga nadestino sa Firearms Explosives Security Service Agency and Guards Supervisory Section (FESSAGS) maoy giingong gikapinusilay ni Tolentino.
Bisan sa rehiyonal nga buhatan siya nadestino imbitaron gihapon kini ni Otida aron mahibaw-an ang tinuod nga nahitabo kung duna ba gyuy shooting incident nga nahitabo. Kun tinuod nga dunay pinusilay nga nahitabo posible nga pasakaan og kasong kriminal si Tolentino.
Naghulat pa si Otida sa Incident Report ni Insp. Chuck Barandog sa San Nicolas Police Station kalabot sa maong hitabo. Si Barandog miingon sa mga tigbalita nga miresponde sila sa maong alarma. (BANAT NEWS)