CEBU, Philippines - Awhagon ni First District Congressman Gerald Anthony “Samsam†Gullas, Jr. ang kadagkoan Commission on Higher Education (CHED) nga gahinan og pundo nga salapi ang mga scholar sa unang distrito.
Matud ni Gullas ang mga scholar tawgon unya og “Scholar ng Bayan†kay ang pundo nga nagpaeskwela kanila gikan man sa nasudnong kagamhanan.
Kun aprobahan sa CHED ang awhag ni Gullas, pagahinan niya og salapi ang kalungsuran ug dakbayan ubos sa unang distrito aron gastohon sa panginahanglan sa mga scholar. Ang unang distrito gilangkoban sa mga dakbayan sa Talisay, Naga ug Carcar apil ang mga lungsod sa Minglanilla, San Fernando ug Sibonga.
Si Gullas moawhag usab sa Department of Health (DOH) aron magahinan og dugang pundo ang pagpalambo sa maayong panglawas sa mga lumolupyo sa first district. (BANAT NEWS)