CEBU, Philippines - Padayon nga nakadawat og mga tabang ang mga biktima sa bagyo’ng Yolanda nga taga Tacloban nga anaa karon sa gitawag og “Tent City†sa South Road Properties (SRP). Ang mga sakop sa Japanese Association Cebu, Inc ug Junior Jaycees Inc. mihatag kagahapon og donasyon ug mipahigayon sila’g feeding program sa 54 ka pamilya nga temporaryong nagpuyo sa Tent City.
Ang gihatag sa mga biktima sa bagyo nga taga Tacloban naglakip sa kutson nga ilang kahigdaan, mattresses, hygiene kits, LGP tanks ug stuff toys nga nagkantidad ang tanan og P170,000.
Matud ni Yukihiro Mimura nga maoy pangulo sa kahugpongan sa mga Japanese nationals nga mihatag og tabang nga ilang gipangutana daan ang mga biktima unsay ilang gikinahanglan.
Si Mimura miingon nga ang kwarta nga gipalit nila sa mga butang gikan kini sa mga Japanese nationals nga ania sa Sugbo magpuyo.
Ang kasabotan nila ni Mayor Michael Rama ug Red Cross tsirman Richard "Dick" Gordon mao nga ang 54 ka-pamilya nga gikan sa Tacloban tugotan pagpuyo sa Tent City hangtud lang karong Marso 23. (/RUB)(BANAT NEWS)