FDA mi-warning Sehat Badan di ipapalit
Liezl Mabini Frasno (Banat) - January 22, 2014 - 12:00am

CEBU, Philippines - Giawhag  sa Food and Drug Administration (FDA) ang tanang konsumedor  nga undangon na ang paggamit sa dili rehistradong Sehat Badan, usa  ka food supplement nga gibaligya pinaagi sa internet ug mapalit usab sa mga street vendors sa nagkalain-laing dapit sa nasud. Si  Elvira Bongosa  sa  Phil. Information Agency (PIA)7   nagkanayon nga  gi-alerto ang FDA  bahin  sa maong  produkto  nga  napatik sa  FDA facebook (https://facebook.com/FDAPhilippines).

 Miingon  si  Bongosa  nga ang maong taho   maoy nakapa-aghat sa Field Regulatory Officers  sa maong  ahensya sa pagpahigayon og product monitoring ug pagkuha og samples.

 Matud pa niya nga segun  sa   pasiunang pagsusi  niini,  nakita nga ang maong produkto walay English translation, usa  ka paglapas sa A.O. 88-B s. 1984 o The Rules and Regulations Governing the Labeling of Prepackaged Food Products Distributed in the Philippines which provides "that in case of imported food products wherein the label information are declared in foreign language, the label must also carry the corresponding English translation, otherwise such products shall not be permitted for local distribution," sumala sa FDA.

 Midugang  si  Bongosa  nga ang mga produktong gibaligya isip food supplement nga walay English translation naghulga  og kadaut sa mga konsumedor  kay wala silay impormasyon sa tinuod nga epekto  sa maong produkto nga ilang gipalit.

 Si  Bongosa miingon   nga  kining maong produkto tataw nga wala mopasar  sa FDA standard of safety and quality mao nga naghatag og hulga sa maayong panglawas sa katawhan.

 Nagkanayon  si  Bongosa  nga sa gi-advertise online, giingong ang Sehat Badan usa  ka herbal drink nga  makapa-uswag sa kinatibuk-ang panglawas ug makaayo sa nagkalain-laing sakit sama sa hubak o asthma, urinary stones, allergy, impotence, rheumatism, toothache ug ulcer.  Ang maong mga therapeutic o health claims dili aprobado sa FDA tungod kay ang maong produkto dili man rehistrado sa maong buhatan.

Gibutyag  ni  Bongosa  nga ang FDA ang tig-kontrolar sa tanang produktong adunay therapeutic o health claims mao nga kinahanglan una sa maong herbal drink nga mokuha og License to Operate (LTO) isip manufacturer o distributor gikan sa FDA.

 Matud ni  Bongosa  nga gitataw  sa FDA nga kadtong mga health products nga nakaabot sa FDA standards lamang ang isyuhan nila og Certificate of Product Registration. (BANAT NEWS)

BONGOSA CERTIFICATE OF PRODUCT REGISTRATION DRUG ADMINISTRATION ELVIRA BONGOSA FDA FIELD REGULATORY OFFICERS MAONG SEHAT BADAN
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with