CEBU, Philippines - Usa ka lalaking giingong magmaoy kung mahubog ang nalandig sa tambalanan human kini pusila sa wala mailhing tawo kagahapon sa kaadlawon diha sa barangay Upper Mohon, dakbayan sa Talisay.
Ang biktima mao si Rodrigo Pardillo alyas “Raulâ€, 50-anyos, taga sitio Candaya, barangay Mohon, nakaangkon og duha ka mga samad pinusilan sa iyang tiyan daling gidala ngadto sa Talisay City District Hospital ug gibalhin kini ngadto sa Vicente Sotto Memorial Medical Center.
Sa imbestigasyon sa kapolisan nga ang lalaking mipusil kaniya mao ra ang iyang kauban paglakaw. Si Supt. Resty Santos sa pakighinabi niini sa Banat News mibutyag nga sa ilang nadawat nga report, si Pardillo giingong nagmaoy sa dapit diin sila mag-inom.
Ang suspek padayon pa karong gipangita kinsa daling miikyas human sa hitabo. (BANAT NEWS)