CEBU, Philippines - Ang Civil Service Institute (CSI), nga usa ka research and training arm sa Civil Service Commission (CSC) alang sa human resource ug kalamboan sa organisasyon, girekomendar isip ISO 9001:2008 certification human kini mipasar sa third-party audit. Sumala pa ni CSC Chairman Francisco Duque III nga ang TUV Rheinland Philippines nga usa ka certifying body alang sa quality management system, maoy mi-audit sa pagproseso sa External Training Service alang sa ISO 9001:2008 sa CSI.
“Having an ISO-certified training institute means that government employees can avail of trainings with internationally-accepted standards, all year round,†matud pa ni Duque. Gitug-an ni Duque nga sa miaging Pebrero 2013, tulo ka mga proseso sa CSC nga naglangkob sa kaso sa adjudication, eksaminasyon ug appointments processing ang na-certify sa pagka ISO 9001:2008 standards.
Gibutyag ni Duque nga ang CSI naestablisar niadtong tuig 2011 ug nga naghatag kini og direktang training ug pagpalambo sa mga intervention sa mga personnel ngadto sa tanang opisyales sa gobiyerno ug mga empleyado. (BANAT NEWS)