CEBU, Philippines - Ang Department of Environment and Natural Resources sa Central Visayas (DENR-7) pinaagi sa Forest Management Services (FMS) sa maong ahensya malampusong mipahigayon sa ilang tulo ka adlaw nga seminar bahin sa Forest Protection Officers (FPO) o 'Bantay Gubat'.
Matud pa ni DENR-7 Regional Executive Director Isabelo Montejo nga ang maong aktibidad giumol aron mahatagan og dugang impormasyon ang mga FPO's kalabot sa mahinungdanong balaod, lagda ug reglamento sa forestry, Wildlife Protection and Conservation, tinubdan sa langob, pag-ila sa mga ihas nga mananap ug usab paghupot niini.
Gipasabot ni Montejo nga mahinungdanon gayud kaayo nga adunay mga FPOs kinsa maoy mangunay sa pagmonitor sa kalamboan sa kalasangan ilabi na sa proyektong National Greening Program (NGP) aron mapanalipdan kini batok sa mga tawo nga ilegal nga mamutol og mga punoan sa kahoy.
"We have been confronted with so many issues and challenges in forest protection and by employing at least or increasing the number of personnel who will monitor our forests, our objective of ensuring the protection or even conservation is met with the help of the communities,†matud pa ni Montejo. (BANAT NEWS)