CEBU, Philippines - Wala hatagi og gibug-aton sa mga opisyal sa lungsod sa Bantayan , sa isla sa Bantayan, sa amihanang bahin sa Sugbo ang kapakyas sa pagduaw ni Presidente Aquino sa ilang lugar human sa bagyong Yolanda.
Matud pa sa tigpamaba sa kagamhanan sa lungsod nga si Vince Escario uban ni Konsehal Boy Layese nga tinuod mas nakaduaw pa ang presidente sa Myanmar kay kang Presidente Aquino sa ilang lugar.
Apan wala nila kini igsapayan tungod kay nasabtan nila nga busy kaayo ang pamuno nasud.
Ang dakbayan sa Tacloban mas dako og kadaot sa kinabuhi ug sa panginabuhi kun itandi niini ang sa lungsod sa Bantayan busa giduaw kini sa presidente sa nasud.
Apan kun hisgotan ang mga hinabang, nasuta ni Escario ug Layese nga nagsugwak ang nadawat nga mga hinabang sa pagkaon ug uban pa sa mga molupyo sa Bantayan busa bisan ang mga drayber sa traysikol nakapahuway usab og kadiyot gumikan sa maong mga hinabang. (BANAT NEWS)