CEBU, Philippines - Ang Israeli Defence Forces diin nakabase sa Bogo City, mo-turnover karong adlawa og $500,000 o P20 milyones kapin nga mga tambal ngadto sa Cebu provincial government aron gamiton sa mga biktima sa bagyo.
Matud pa sa press release nga gipadala sa Embassy sa Israel, nga sila si IDF Major Gen. Eyal Eizenberg ug Israeli Ambassador Menashe Bar-on mao ang mohatag niini ngadto sa Cebu provincial government. Matud pa sa Philippine Information Agency-7, adunay press conference ang ipahigayon inig human sa turnover ceremony.
Ang Israeli humanitarian mission magpabilin pa sa Cebu sulod sa duha ka semana. Sulod sa lima na ka adlaw nga nangabot sa Cebu ang 150 ka delegasyon sa Israeli, matud pa sa PIA-7 nga ang delegasyon nakahimo og field hospital sa Bogo City ug libo-an na ka mga pasyente ang ilang natambalan sa nagka- daiyang mga sakit.
Karong semanaha, palapdan sa IDF ang ilang operasyon sa ubang dapit sa Northern Cebu aron sa pagtabang sa mga Cebuanos kutob sa ilang mahimo.
Gawas sa medical nga tabang, nitabang usab ang IDF’s humanitarian mission sa civil engineering ug community building.
“The schools are still damaged but now they are safe and usable and some of the classes definitely resumed today,†matud pa ni Israeli Embassy deputy chief of mission Adame Levene.(/EIM)(BANAT NEWS)