CEBU, Philippines - Gipasakaan og kasong plunder sa National Bureau of Investigation si kanhi presidente ug karong kongresista Gloria Macapagal-Arroyo, negosyanteng si Janet Lim-Napoles, ug 20 ka mga indibidwal kalabot sa lain na usab scam nga giingong sayop nga paggamit sa P900 million nga pundo gikan sa Malampaya gas fund.
Lakip sa gikasohan mao si kanhi Executive Secretary Eduardo Ermita, kanhi Agrarian Reform Secretary Nasser Pangandaman ug iyang Undersecretary Rafael Nieto, DAR finance officer Teresita Panlilio, former Budget Secretary Rolando Andaya ug si Undersecretary Mario Relampagos.
Suma pa sa GMANews.tv ang mga whistleblowers nga mga trabahante ni Napoles miluwat og mga pamahayag nga ang JLN Corp. nga ilang gitrabahoan mihimo og mga pekeng non-governmental organizations ug gi-peke usab ang pirma sa 97 ka mga mayor aron makakuha siya og bahin sa pundo gikan sa labing unang gas project sa nasud nga mao ang Malampaya.
Gipagawas ni Napoles nga gamiton sa mga konstituwente sa maong mga mayor ang pundong makuha gikan sa Malampaya alang sa mga naapektahan sa bagyong Pepeng ug Ondoy niadtong tuig 2009.
“As a result of this whole scheme of diverting the P900 million Malampaya Fund allotted to DAR to Napoles NGOs on the basis of manufactured and fake letter-requests from mayors and MOAS (memorandum of agreement), kickbacks or commissions amounting to P337,775,000 were distributed all around to public officials,†sumala pa sa letter complaint.
“We believe that the former President and the former executive secretary used Executive Order 848 for the approval of requests made five days before the issuance of the Executive Order. Kaya sa tingin din po namin, sabit din po sila,†pasabot pang De Lima.
Ang maong EO 848 naghatag og awtoridad sa Budget Department pag-release og pundo gikan sa Malampaya Gas Project. (BANAT NEWS)