CEBU, Philippines - Patay nang napalgan sa mga kabanay ang 76- anyos nga lolo human kini gituohan natagak sa pangpang ug didto na mapalgi sa langob sa barangay Maslog lungsod sa Tabogon niadtong niaging alas 9:00 sa buntag.
Apan naugkat ang patay’ng lawas ni Rodrigo Arpon, 76, alas 11:40 na sa dayong udto.
Matud ni PO2 Gregorio Licayan sa Tabogon Police dihang nahinabi sa Banat News ang biktima katapusang nakit-an sa igsoon niini nga si Isidra Arpon niadtong petsa 30 sa Hulyo niadtong Martes sa gabii. Sa ilang pagpangita ilaha kining nakit-an nga nagbuy-od sa langub sa maong lugar nga dunay mga pangos sa lawas ug gituohang natagak sa pangpang nga gibanabanang kapin napulo ka tiil ang giladmon gikan sa ibabaw nga bahin.
Ang kabanay niini nagtuo nga aksidenteng natagak sa pangpang ang biktima ug namatay. (/EIM) (BANAT NEWS)