CEBU, Philippines - Nakaangkon ang lungsod sa Tuburan og 20 mil ka kopya sa mga libro alang sa elementarya ug haiskul gikan sa Children International-Philippines Inc. sa wala pa niasumer sa ikaduhang termino si Mayor Democrito “Aljun†Diamante.
Si Diamante ang nidawat sa maong libro niadtong Hunyo 25 gikan kang Domingo Buenaflor, representanti sa maong organisasyon, sa usa ka yanong seremonyas sa Tuburan Covered Court.
Ang maong mga libro magamit alang sa Mathematics, English, Science, ug General References.
Gipang apod-apod na ang maong libro sa nagkalainlaing tunghaan sa lungsod butang nga gikalipay kaayo sa mga magtutudlo.
Ang Children International usa ka organisasyon nga nagtabang nga mahaw-as ang mga kabataan sa kalisud sama sa ilang pagtungha.
Natukod ang organisasyon niadtong 1936 sa Kansas City, Missouri, USA.
Sa 1980, nikatap ang ilang tabang sa mga kabus nga nasud sa India, Pilipinas, Guatemala, Chile, Honduras, Dominican Republic, Colombia, Ecuador, Mexico ug Zambia. Ang Children International nagsugod sa ilang serbisyo sa Pilipinas 1982. (BANAT NEWS)