CEBU, Philippines - Mga mahalong laptop ug kwarta ang nasakiyo sa wa pa matumbok nga kawatan nga milungkab sa usa ka pinuy-anan sa Nacua Compound sa barangay Lipata lungsod sa Minglanilla niadtong Miyerkules sa alas 11:00 sa buntag.
Ang nabiktima sa pagpanglungkab mao si Wilbert Pilapil, 33, nagpuyo sa maong lugar.
Ang mga nahanaw nga butang mao ang Samsung laptop mokantidad og P32 mil, Tablet P36 mil, laing lap top nga nagkantidad og P25 mil, class ring mokantidad og P10 mil, duha ka cellphones ug kwarta nga wala pa matino ang kantidad.
Matud ni PO2 Vincent Alinabo sa Minglanilla Police dihang nahinabi sa Banat News, nanglakaw ug walay nabilin sa balay maong nakahigayon ang mga kawatan pinaagi sa pagguba sa bintana sa balay.
Ang kapulisan padayun pa karun og imbistigar pag-ila ug pagsikop sa suspek.( /EIM) (BANAT NEWS)